உனது முகம்..

எனது விழியினில் - உனது
முகம் வர மறுப்பது ஏனோ..??

உனது அடர்ந்த இரு விழி புருவங்கள்
கூர்மையான உன் விழி பார்வை - என்
நினைவில் உலா வர..

உனது நேர் நாசி - என்
சிந்தையை ஆட்கொள்ள

உனது இதழ் - அதன் வளைவு
என் எண்ணத்தில் குடி கொள்ள

இவை அனைத்தும்
ஒரு சேர கலவையான - உன்
அழகிய முகம் மட்டும் - ஏனோ
என் விழிகளில் வர மறுக்கின்றது..!!

விழிகளை மூடி தவம் கிடக்கின்றேன் - உன்
தெளிவான முகம் தெரியுமென்று
பதில் ஏனோ - எனக்கு
தோல்வி தான்...!!!